(371) 26 405 907 P. - Pt.: 9:00 - 17:00 info @ kotini.lv

“Brīvības cīņām Ziemeļlatgalē - 100” pasuokuma ītvarūs šudin 2020. gada 9. janvārī, Viļakas nūvodā vīsovuos Latvijas Republikas Prezidents Egils Levits.
Vizītes ītvarūs Prezidents apmeklieja arī myusu saimnīceibu! Saimnīks Aldis īpazeistinova ar saimnīceibas nūdorbuošonūs , apskatieja vusas ražuošonas telpas, īkuortas i agregātus, piec kuo devuos uz lilū zāli, kur Prezidentu sagaidieja Latgales pašvaldību vadeituoji ,kuri beja īzarodušs uz kūpieju Latgales plānošanas reģiona sapulci!

Sapulces laikā Prezidentu un pašvaldību vadeituojus ar situāciju lauksaimnīceibā īpazeistinova bīdreibas : “Latgales ražojošo lauksaimnieku apvienības” valdes prīkšsādātuojs Aivars Bernāns. Tika runuots par papildus izmoksuom, kas saistātas ar attuolumu leidz ūstuom i veģetācijas atšķirībuom starp reģionīm, kas arī ļūti būtiski ītekmej ekomiskū sītuāciju. Prezidents myus saklausieja i izteicuos, ka ir napīcīšams veiduot atsevišķu atbolsta intrumentu reģionīm, lai mazinuotu ekonomiskū naleidzsvaruotību!

Sovukuort myusu Rolands- uzrunova pašvaldību vadeituojus i mudinova īpierkumūs izavieliet vītiejūs ražuotuojus! Uz dūtū breidi Z/s Kotiņi nav sadarbības ni ar vīnu nū Latgales školuom voi bārnuduorzīm! Myusu pruot tys ir viertiejams negatīvi, jū jebkurš uznāmums voi ražuotuojs ir tys, kas Valstej moksoj nūdūkļus, i Myusu pruot tys byutu lobs žests nū pašvaldībuom, ka uzrunuotu nūdūkļu moksuotuojus uz sadarbību.

Piec vizītes Kotiņos Prezidents devuos uz Rekovas KC, kur tikuos ar īdzeivuotuojīm, sovukuort piec tam tika īturieta maltīte Rekovas dziernavuos, kur Prezidents i citi cīmeņi baudieja vītiejū produktu īdienus, kurus arī ļūti atzinīgi nūviertieja!

Lils paļdis Prezidentam par vizīti, paļdis par lobīm vielejumīm!Lils prīks i lepnums Mums i vusīm pašvaldību vadeituojīm par Prezidenta pozitīvū attīksmi pret Latgali i Latgales īdzeivuotuojīm!

Pīvīnojam arī video materiālu par vizīti Viļakas nūvodā!

https://www.youtube.com/watch?v=4Fus9JKYOho

Mēs izmantojam sīkdatnes, lai uzlabotu mūsu vietni un Jūsu pieredzi tās izmantošanā.

  Vai Jūs piekrītat sīkdatņu izmantošanai?