(371) 26 405 907 P. - Pt.: 8:00 - 17:00 info @ kotini.lv

Janvāra beiguos Riezeknes tehnoloģiju akadēmijas Pārtikas puorstruodes laboratorijā nūtika meistarklases “Grūbas myusdīnu iedīnkartie”.Meistarklase ir vīna nū aktivitātiem, kurā Riezeknes pilsātas ādinuošonas uznāmumi tika aicinuoti,lai tyvuok īpazeitu grūbu un pērļu grūbu iedīnus.
Deļkuo tīši grūbas un pērļu grūbas? Atbild projekta vadeituoja Lienīte Litavniece.

Eistenojūt projektu, izveidovuos ļūti loba sadarbeiba ar Z/s Kotiņi. Saimnīceibā teik audzāti graudaugi un puokšaugi, kuo arī tī teik puorstruoduoti un ražuoti produkti, pīmāram “Pērļu grūbas”, rapšu eļļa, pupu milti u.c.
Riezeknes pilsātas uznāmumīm teik pīduovuota īspieja sazadorbuot ar Z/s Kotiņi un izmontojūt jūs produktus, gatavuot dažuodus iedīnus. Par tū , lai ādinuošonas uznāmumu povarīm paruodietu plašuos grūbu izmontuošonas īspiejas, tika reikuota meistarklase kū vadieja šefpavāre, “Pavāru kluba” valdes prīkšsādātuoja Svetlana Riškova kūpā ar sovu asistenti Līgu. Meistarklasie kūpumā pīzadalieja 17 povari ,kurīm bej īspieja īgyut pīredzi, īdvesmu jaunuom i radūšuom idejuom. Grūbas tika izmontuotas gatavojūt uzkūdas, pīmāram grūbu maize, kas pasnīgta ar krēmsīru, spečs kūpā ar grūbuom un duorzeņīm. Grūbas napīrosti līliski garšoj arī kuo salāti kūpā ar granātuobulīm, gurķīm, mango, seipulīm un zaļumīm. “Grubotto” ar peiles gaļu un parmezāna sīru ir iedīns ,kas roda sāta sajyutu un fantastisku garšas salikumu. Vusīm bej lils puorsteigums par desertu – Saldiejums nū grūbuom, kas pasnīgts ar korstīm uobulīm, marcipāna capumu un sīrupu.
Stuosta Lienīte Litavniece.

Piec kotras gatavuošonas vusi sieduos pī golda, lai degustietu un dalietūs īspaidūs. Meistarklases daleibnīki atzina, ka gatavuotuotī iedīni ir naparosti, garšeigi un bej ļūtī puorsteigti par tū cik plašas ir grūbu un pērļu grūbu pīlītuošonas īspiejas.
Mēs sovukuort sokam lilu paļdis Riezeknes tehnoloģiju akadēmijai, šefpavārei Svetlanai Riškovai un vusīm iedinuošonas uznāmumīm par sadarbību.

Vairuok bildes nū pasuokuma skotatīs facebook.com/kotiņi

Mēs izmantojam sīkdatnes, lai uzlabotu mūsu vietni un Jūsu pieredzi tās izmantošanā.

  Vai Jūs piekrītat sīkdatņu izmantošanai?